أكرم حسنى يفاجئ معجبة فى عيد ميلاده.. فيديو وصور

فى موقف إنسانى رائع، احتفل النجم أكرم حسنى، بعيد ميلاده مع إحدى معجباته "رودينا وائل" التى تمتلك حساب على انستجرام، يجمع محبيه وعشاقه، حيث أظهرت حبها الكبير له، ومحاولتها المستمرة لمقابلته خلال الفترة الماضية، وانتابتها حالة من البكاء الشديد من الفرحة فور رؤيته وجها لوجه. وفى مقطع فيديو نشره أكرم، عبر حسابه على انستجرام، ظهرت فيه الفتاة وأصابتها الصدمة وانهمرت دموعها بغزارة فور رؤيته، ثم أهدته هدية قالت إنها أحضرتها منذ عام مضى، ثم تبادل معها أكرم وأهداها هدية. وقال أكرم، فى تعليقه على الفيديو: "رودى جاية فاكرة إنها هتصور فيديو مع أهل وأصحاب أكرم، عشان عيد ميلاده، وكان ليها طلب اننا نوصل له هدية جيبهالوا من سنة". وأضاف: "زى كل سنة قضيت عيد ميلادى مع أكتر ناس بحبهم، بس السنة دى عيلتى زادت واحدة من ألذ وأطيب الناس اللى شفتهم فى حياتى، شكرا يا رودى". من جانبها قالت رودى، ردا من خلال التعليقات على حساب أكرم، قائلة: "شكرا بجد على اليوم ده، دا يوم أنا عمرى ما هنساه أبدا، بجد شكرا أوى أوى وطول عمرى هفضل أحب حضرتك ولو فضلت سنين أشكر حضرتك مش هعرف". وأضافت رودى: "آسفة إنى كنت تقريبا طول الوقت مصدومة حرفيا وبعيط، كان نفسى أوى أقول حاجة مفيدة، أنا بقالى أربع سنين بفكر أنا لما أقابل حضرتك هقول إيه، وأنا قابلت حضرتك معرفتش أقول حاجة خالص، بجد شكرا أوى". View this post on Instagram A post shared by Akram Hosny (@akramhosny)