أعادت قناة Dmc، عرض حلقة الفنانة الراحلة سهير البابلي في برنامج "صاحبة السعادة" مع الفنانة إسعاد يونس والذى تم تسجيلها منذ 7 سنوات، وتحدثت سهير البابلى عن مسرحية "ريا وسكينة" قائلة: "ضربات قلبى زادت لما سمير خفاجى قالى ايه رايك نجيبلك شادية في المسرحية، وأنا بقوله بس ومش مصدقة لأن هي كانت سوبر ستار سينما، وجابها وكنا اخوات حلوين اوى".
وأضافت سهير البابلى: "أحمد بدير في المسرحية دى كان لسه جديد عامل رواية أو اتنين، بس أحمد بدير انسان كوميدى حلو اوى وبيساعد جدا الممثل اللى معاه وعارف بيقول ايه، والمشهد اللى اتعمل على المسرح كان ارتجال، والكوميديا بتطلع من الحاجات زى اللى حصل بينا في المشهد ده".
وتوفيت الفنانة الكبيرة سهير البابلي داخل أحد المستشفيات الذي كانت تُعالَج بداخله منذ عدة أيام، عن عمر يناهز 86 عامًا، بعد تعرضها لوعكة صحية نتيجة إصابتها بغيبوبة سكر نتج عنها حدوث مضاعفات،مما استلزم احتجازها بالرعاية المركزة.