عاصى الحلانى: بوست يد وقدم والدتى قبل وفاتها بيوم ووفاة شقيقى كانت صدمة

حل النجم عاصى الحلانى ضيفا في برنامج "السيرة" للإعلامية وفاء الكيلانى، المذاع على قناة Dmc، وتحدث خلال الحلقة وفاة والديه وشقيقه قائلا: "قبل ليلة من وفاة والدتى كانت غائبة عن الوعى وذهبت وقعدت جنبها وبوست يدها ورجليها وحطيت إيدى عليها، وقلتلها أنا محمد ابنك سمعانى، فهزت رأسها ونزلت دموع من عيونها ودى كانت آخر مرة أحكى معها لأن الصبح كلمونا وقالوا إن الوالدة توفيت". وعن وفاة والده قال عاصى الحلانى: "كنت وقتها في موناكو واللى اتصل بيا وعرفنى ماجد الحلانى ابن عمى، وكان المفروض وقتها اطلع من باريس على مصر ولكن رجعت على بيروت، وآخر حاجة بينى وبين والدى إنى زورته بالمستشفى قبل الوفاة بـ4 أيام، ومعه وكان يكره القعدة في السرير ولازم يكون موجود على الأكسجين وكل شوية يشيلوا والممرضة ترجعه له تانى، ويقولى طلعنى من هنا ومقدرتش أنفذ له طلبه لأن الدكتور قال صعب لأن عضلة القلب تعبانة، وعيطت وقتها لأنى مش قادر أنفذه له اللى هو عاوزه ولا أعمله حاجة". وعن وفاة شقيقه في 2014 قال عاصى الحلانى: "أخويا تُوفى في عمر صغير كان عنده 38 عاما، ولم يكن لديه مرض هو فاجأة تعب وارتفعت الحرارة عنده ودخل المستشفى واتوفى على طول، وكان صدمة بالنسبة ليا لأنه شاب صغير ومكناش متوقعين وهو كان معى علطول، والموت حق ومنقدرش نقول ش وكل واحد عمره مكتوب على جبينه لكن الفراق صعب". وعن عائلته الحالية قال عاصى الحلانى: "احنا 13 أخ ولنا تقريبا 80 ابن وابنة وأكتر من 250 حفيدا، واحنا عائلة مترابطة رغم كبرها، واتجمعنا مرة كلنا في شهر رمضان وكان عددنا كبير جدا وللأسف أحيانا الأولاد الصغيرين بنسى أساميهم". عاصى الحلانى عاصى الحلانى عاصى الحلانى عاصى الحلانى عاصى الحلانى