أحمد صلاح حسنى: كنت فى الأهلى وعايز أدرس تمثيل.. والكورة "مش شغلانة"

استضاف برنامج "سهرانين"، الذى يقدمه الفنان أمير كرارة والمذاع على قناة ON، كلا من النجم أحمد صلاح حسنى والفنانة هبة مجدى والمطربة إيمان الشميطي اليوم الخميس. وخلال اللقاء كشف أحمد صلاح حسنى ولعه بالتمثيل منذ الصغر حتى خلال لعبه فى الفريق الأول لكرة القدم بالنادى الأهلى، وقال: "كنت بلعب فى ناشئي الأهلى وقلت لبابا عايز أدخل معهد التمثيل، وكان معترضا لأنى وقتها اتصعدت مع الفريق الأول، كان بالنسبة ليا الكورة دي "لعبة" مش شغلانة، بعدها بأسبوع جالى عقد احتراف فى ألمانيا". صلاح حسنى وكرارة هبة مجدى وأحمدصلاح حسنى أحمدصلاح حسنى هبة مجدى وأحمدصلاح حسنى وأضاف أحمد صلاح حسنى: "وأنا فى ألمانيا عملت مكتبة أفلام بسبب حبي فى التمثيل، كل يوم كنت بشترى فيلمين تلاتة وكنت بقلد ألباتشينو وروبيرت دانيرو.. وبحب أحمد رمزى جدا ". وعن طفولته قال أحمد صلاح حسنى: كنت شقي وليا شلة، بس ساعة المشاكل أنا مليش دعوة.. وكنت بلعب 5 رياضات مختلفة فى النادى فى نفس الوقت.. كنا بنتخانق كتير". وسأله كرارة عن حب الطفولة، فأجاب أحمد صلاح حسنى: "واحدة كانت بتحبنى وإحنا صغيرين فى المدرسة.. كنت باخد الشنطة بتاعة التمرين معايا عشان أروح بعد المدرسة، وكل مرة ألاقى فردة شراب ناقصة، يوم عيد ميلادى رايح المدرسة صحابى عملولى عيد ميلاد، لقيتها جايبة الشرابات معاها . وتابع كرارة حديثه حول ذكريات المدرسة: "كنا بنعمل مسرحيات فى المدرسة، وكنت بتكسف لكن بحب الفن جدا، المدرسة قالت لى أنت هتبقى معانا فى المسرحية.. عملت دور الفيل مع انى كنت رفيع جدا، فرحت ورجعت البيت قلت لماما عايز لبس فيل، نزلت جابت قماش وعملت لى بدلة فيل وكانت جميلة جدا، لبستها والناس قعدت تضحك عليا وخدت جايزة وكانت فرحانة جدا".