أحمد صلاح حسني: أكلت لحم حمير في ألمانيا لمدة شهرين.. هبة مجدي: مش بحب الكوارع

حل النجمان أحمد صلاح حسنى وهبة مجدى وإيمان الشميطى، ضيوفا في الجزء الثانى من برنامج "سهرانين" للنجم والإعلامى أمير كرارة، المذاع على قناة ON، وتحدثت هبة مجدى عن بداية تعلمها الموسيقى قائلة، أول شخص أسسنى الموسيقار الراحل صلاح عرام هو معملنيش العزف على العود ولكنه علمنى قراية النوتة وإزاى أظبط التون والمقام ودرست نوتة وكان دايما بيخلينى أسمع له اللى درسته وفضلت معاه لمدة 3 سنين عمرى ما هنساهم. وعن يحيى الفخرانى قالت هبة مجدى، بالنسبة ليا شخص مهم جدا في حياتى وهو اللى جوزنى أنا ومحمد محسن وكان شاهد على حبنا وعقد القران، واتعلمت منه كتير سواء على المستوى الشخصى أو الفني. وعن أكل اللحوم، قال أحمد صلاح حسنى، أكلت لمدة شهرين أو اكتر لحم حمير في المانيا وكنت باكل ساندوتش زى الهوت دوج، وكنت بعشق الساندوتش ده وكل يوم باكله، واختى وأمى جم يزورونى، فقلتلها هأكلك ساندوتش عالمى، المهم روحنا وبصت في الساندوتش فراحت سالت الراجل هو ده لحم إيه قالها لحم حمير، وأشارت الفنانة هبة مجدى إلى أنها تأكل اللحوم ولكنها لا تحب الكوارع.