كشفت الفنانة عبير صبري، عن سبب موافقتها على تقديم شخصية "هدى" في مسلسل "يوتيرن" مع النجمة ريهام حجاج والذي تم عرضه في شهر رمضان الماضي، لاسيما وأن الشخصية تتزوج من شاب أصغر منها في السن، وقالت عبير أنها أحبت الشخصية وفكرة أنها تتزوج شاب أصغر منها كانت نقطة لافتة بالنسبة لها حيث تعتقد أنها شخصية جديدة درامياً وليست مستهلكة.
وأوضحت عبير صبري خلال ندوة مسلسل "يوتيرن" في انفراد: "عجبتني فكرة ان الشخصية بقينا نشوفها كتير دلوقتى، وإن البنات أو الستات بدأ تفكيرها يتغير وإنها لو اتجوزت راجل أو شاب أصغر منها مش مشكلة طالما هي مستقرة ماديا ومتحققة، فليس هناك أزمة أن تتزوج اللي بتحبه ويكون فريش وننبسط سوا، فهذه الأفكار أصبحت موجودة حالياً والثقافة تغيرت عن السابق".
وأشادت عبير صبري بالروح التي كانت بين فريق العمل أثناء التصوير، لافتة: "واحنا بنشتغل بيبقى فيه خوف يعنى، فكل واحد فينا كان عنده خوف على الدور اللي بيعمله وكأن الشخصية دي مسئولية مش هزار وهو مصدقها، ولو انت قاعد تتفرج عليا وأنا بقدملك حاجة حمضانة أو نص سوى هحس كأنى بهينك، وأنى كفنان أو ممثل بهين اللى قاعد يتفرج عليا فكان عندنا حالة خوف كلنا".
مسلسل "يوتيرن"عرض فى شهر رمضان الماضى على أكثر من قناة فضائية، وهو بطولة ريهام حجاج، الفنان الكبير توفيق عبد الحميد، عبير صبرى، كريم قاسم، محمود حجازي، أيمن قسيونى، صفاء الطوخى، محمود حجازى، نانسي صلاح، نورهان، عبير منير، وهلا السعيد وعدد آخر من الفنانين، والعمل تأليف أيمن سلامة، من إنتاج جمال العدل، وإخراج سامح عبد العزيز.