كشفت الفنانة حنان مطاوع أنها حاولت التمرد على والدها أثناء فترة الثانوية العامة، وذلك خلال استضافتها ببرنامج "صاحبة السعادة" مع إسعاد يونس، قائلة: "دخلت علمي رغم إنى مش حافظة جدول الضرب، علشان بس أتمرد على والدي اللى كان عايزني أدخل أدبى، لأني مش عارفة حاجة في العلمي، وبمجرد ما بدأت الدروس لقيت نفسي مش فاهمة حاجة".
وأضافت: "بالتالى خدت القرار وبدلت وروحت أدبى، وبقيت من أوائل المدرسة، كنت جايبة تقريباً 80% وكان المجموع ده كبير جدا وقتها، بعدها دخلت كلية تجارة إنجليش، واخترت قسم فيه حسابات كتير رغم إنى مش عارفة أى حاجة فى جداول الضرب زي ما قلت قبل كده".
يذكر أن النجمة حنان مطاوع، نافست بفيلم "قابل للكسر" مؤخرًا، على جائزة الفيبرسي في مهرجان العالم بالهند في دورته الأولى.
فيلم "قابل للكسر" بطولة حنان مطاوع، رانيا شاهين، فاطمة عادل، عمرو جمال، خالد خطاب، ويشارك به عدد من ضيوف الشرف وهم حنان يوسف، عاصم نجاتي، محمد رضوان، وجيه عجمي، محمد عبد الفتاح، هالة عمر، أحمد فتحي، ويشارك فى الفيلم أيضًا عدد كبير من الوجوه الجديدة مثل محمد الموجي، أحمد شكري، كريم العطار، ناجى شحاتة، تونى روبرت، إيمان ثابت، هند أكرم، محمد أمجد، ياسر زكي، أحمد عراقي، محمد جودة، أحمد كامل، تونى أمين، سيد عبد النبي، يوسف سمرة، محمد محسن، شريف اليمني، باكينام عز الدين.
