طالبت الإعلامية اسعاد يونس من الثنائى محمد بربري وزوجته ريم الطويل، أثناء استضافتهما ببرنامج "صاحبة السعادة" مع الفنانة حنان مطاوع بضرورة عمل فيديوهات عن مصر، والترويج للسياحة خلال فترة تواجدهما في مصر قائلة: "مصر مليانة حاجات كتير جدا حلوة، وانتوا ليكوا متابعين كتير، وقاعدين في دبي الفترة اللى فاتت".
ورد بربري: "إحنا فعلاً ناويين على كده الفترة اللى جايه، وعملنا فيديوهين من مصر، أحدهما في (دهب)، وهنعمل أكتر من حاجة في الخطة".
أيضاً استرجعت الفنانةحنان مطاوعذكريات بدايتها في التمثيل، ومشاركتها في مسلسل "حديث الصباح والمساء"، قائلة أثناء استضافتها ببرنامج "صاحبة السعادة": "المخرج محسن زايد كان عايز وجوه جديدة كتير، ولما شافني في الأفلام القصيرة اللى بدأت أعملها بعد ما روحت ورشة تمثيل قال البنت دي وشها مصري أوي وها تنفع في دور (مطرية).
وأضافت الفنانة حنان مطاوع بخصوص رد فعلها والدتها آنذاك، خاصة أن والدها كان قد توفى: "كانت تشجعني على استحياء، في تلك الفترة، إلى أن أصبحت بعدها تشجعني بقوة وأبرز مشجعة ليا، وكانت طول الوقت باين عليها إنها عايزة تحقق حلمها فيا".
وبخصوص الأيام الأخيرة في حياة والدها الفنان الراحل الكبير كرم مطاوع قالت: "أثناء زيارة المخرج جلال الشرقاوي له وهو على سرير المرض، قال ليه البنت دي بتاعة فن، شيلوها من تجارة إنجليش ودخلوها معهد الفنون المسرحية".
