هنأ محمد جمال، شقيقه الأصغر النجم رامى جمال بصدور ألبومه الجديد" ملناش إلا بعض" ، وقال له " إنت يابنى حاجة تشرف، الحمد لله بكرة بتاعنا وبتاع كل مجتهد وفنان حقيقى".
ونشر " جمال" صورة تجمعه بشقيقه، أثناء تصوير أغنية فترة مش سهلة من ألبوم" فترة مش سهلة"، على صفحته الشخصية على موقع التواصل الاجتماعى فيس بوك.
وذكر" جمال" شقيقه بموقف منذ عام 99 حين نصحه بترك مجال الغناء، قائلا " سنة 99 كنت بقوله ياعم شوفلك مجال ينفعك، مش ها تعرف تعمل حاجة في المزيكا ومش هاتبقى نجم وكنت بحبطه جدًا، قالي (هايجي اليوم وهاتتصور جنبي وتفتخر بيا)، بعدها في 2004 نزل أول لحن له مع "فضل شاكر" كان عنده تقريبا 19 سنة، وبعدين نزل له الحان مع مصطفى قمر، وبعدين أنغام، وبعدين شيرين، نوال الزغبي وبعدها نزل ليه 6 ألحان في ألبوم "خلص الكلام" لمحمد حماقي اللي كان بداية انطلاقة حماقي ورامي في نفس الوقت، بعدها توالت الألحان اللي علمت مع الناس ورفعت اسماء ناس لفوق، وبقى واحد من أهم ملحنين الشرق الأوسط، بعدها نزلت اغنية سينجل له، بعدين أغنية "يا بلادي" بعدين أول البوم، وبعدين تاني ألبوم اللي الحمد لله نجح نجاح كبير جدا يليق باسم ملحن كبير اوي، ووقت ما كان بيصور الفيديو كليب، قولتله عايز اتصور معاك يا نجم، انا كنت غلطان ، اه انا أخوك الكبير، بس بعترفلك انك مشرفني و رافع راسي يا فنان يا محترم يا شيك "
