المخرج عمرو سلامة: سمير فريد كانت روحه أبوية جميلة ووفاته أبكتنى

أعرب المخرج عمرو سلامة، عن حزنه لوفاة الناقد السينمائى سمير فريد، الذى رحل عن عالمنا، مساء اليوم، بعد صراع مع المرض. وكتب سلامة، عبر صفحته الشخصية على فيس بوك: "وفاة سمير فريد أبكتنى، أول ناقد يشوف فيلم ليا، كان أول فيلم جه شافه فى المونتاج، وقال لى كلام مش هاقوله دلوقتى لأن مش إطرائه اللى خلاه عزيز عليا، لأنه انتقد أفلام ثانية ليا". وأضاف سلامة: "سمير فريد كان فيه روح أبوية جميلة، كانت آراؤه فى كل حاجة غنية، حتى لو مش فى السينما، كل قعده معاه فاكرها بتفاصيلها، فاكر آراؤه وحتى تعبيراته اللاذعة الساخرة، ضميرى مأنبنى إنى ماكنتش متواصل معاه من فترة، أعتقد أننا لازم نتواصل مع اللى بنحبهم أكثر قبل ما يختفوا من حياتنا".