طرح المطرب محمد حسن أول كليباته الغنائية "غدر الصحاب"، وهى الأغنية التى كتب كلماتها الشاعر خالد تاج الدين ولحنها وليد سعد ووزعها أحمد إبراهيم، ومن إنتاج أرابيان ميوزيك للمنتج عمرو فاروق، وأخرج الكليب محمد عبد الجواد، وهى من ألبومه الغنائى الأول الذى انتهى من تسجيله بالكامل، وتقول كلمات الأغنية..
إحنا بنتغير ليه يا دنيا.. والحق بقى يزعل ليه..
وكمان لينا عين لأ وبنسأل.. ربنا مش بيبارك ليه ..
غدر الصحاب ع الكيف أصلي.. والأصلي ليه مبقاش أصلي
ويا دنيا ليه صاحب عمري.. تملي في اللقمة باصصلي..
الدنيا رايحة ومش راجعة.. تايهين خلاص بين ميت بدعة..
وبقينا ناكل بعضينا.. الناس زمان كانت جدعة..
الناس خلاص بقى فيها إن.. وزمنا ليه بقى يفتنا..
قال واللي بيتاجروا بروحنا.. بقوا عشمانين يدخلوا جنة ..
يا دنيا ليه فيكي وفيكي.. وبتدي ليه للي راميكي ..
واللي بيخلص من قلبه.. عايش وهاين ليه عليكي ..
وسط الصحاب عايش غربة.. وسنيني ليه مُرة وصعبة..
م الليلة أنا هبقى ف حالي.. طب خدت إيه أنا م الصحبة..
هقولها كلمة وبصراحة.. في الدنيا ديا مفيش راحة..
مكتوب يومين هنقضّيهم.. وسلام سلام كده بالراحة..
ويتعاون حسن فى ألبومه مع مجموعة من الشعراء والملحنين منهم الملحن الكبير وليد سعد وخالد تاج الدين وأيمن بهجت قمر وبهاء الدين محمد وأمير طعيمة ومدين وأحمد عبد السلام، ومحمد رحيم، وبلال سرور، ومحمد آياتى، ومحمد حمزة، وكريم عبد الوهاب، وعمرو يحيى وتامر عاشور.