سُألت الفنانة شادية فى إحدى حواراتها ما هى أمنيتك فأجابت "الأمنية التى لا يعرفها عنى الناس هى أننى أتمنى أن يكون عندى دستة من الأطفال عندما أبلغ الخمسين"، أمنية لم تتحقق، فعلى الرغم أنها لا تعرف حلم الأمومة سوى على الشاشات فقط، إلا أنها حاولت أن تربى طفل صغير يدعى عاصم، ليعيش معها وتحتضنه كأمه تمامًا، وظل معها قرابة 30 يومًا، فقط، كما قال "عاصم بدر" الذى حاولت الفنانة شادية ان تربيه بمنزلها لـ"فيديو7 "قناة انفراد المصورة.
فقال عاصم "كنا بنشتغل فى الفيلا بتاعتها فى الهرم وكان عندى وقتها 6 سنوات ولما شافتنى شالتنى وبستنى واديتنى 50 جنيه، وقالت لأمى انها هتخدنى تربينى معاها وأكون زى ابنها ،وفعلًا روحت وفضلت تقريباً شهر وبعدين أمى خافت أحسن لما أكبر معرفهاش، فطلبتنى منها فرجعتنى الفيلا تانى فى الهرم ".
وتابع عاصم"شوفى لما تبقى عايشة مع حاجة حلوة ماتقدريش تبعدى عنها ،كانت ست طيبة وحنينه وخيرة ما كنتش عاوز أسيبها أبدًا ".
قالت الحاجة جميلة والدة عاصم: أن الفنانة شادية كانت تأتى لعاصم باستمرار وكانت تحمله وتغنى له، وطلبت أن تأخذه ليعيش معها، كنت أقول لها "طيب لما تخديه ويكبر ومايعرفش أمه زى الافلام اللى بتعملوها كانت تضحك عليا وتقولى ماتخفيش أنا هجيبوا لكى وانت تعالى وشوفيه ، فقلتها لا أخاف بالفعل جبت الولد من عندها وخفت أحسن ما يعرفنيش لما يكبر" .