قال النجمة اللبنانية دومينيك حورانى، ان كل شخص فى كليب "المزة اللبنانية" عمل حاجة من تأليف وتلحين وإخراج، وكنت سعيدة جدا بالعمل مع كل فريق العمل وفرحت اوى بردود افعال الجمهور على الأغنية.
وتابعت: وضعنا بعض الكلمات زى مثلا لما جيبنا اسم محمد رمضان فى الأغنية هو صديق مشترك بينى وبين سعد حريقة وبنحبه حجدا وهو قدوة لكل الشباب اللى عاوزة تكبر وتشتهر، وهى تعتبر طلعت عفوية لما بيقولى اركب رولز ولامبورجينى فقلتله ليه فاكر نفسك محمد رمضان.
فيما قال مطرب المهرجانات الشعبية سعد حريقة، ان فكرة الكليب حاءت لما عملنا ديو فى البداية فى أغنية قبل كده وكان فيها جزء من غناء المهرجانات، بعدها عرضت عليها اننا نعمل مهرجان كامل وهنكسر الدنيا بيه ولما سمعتها الصوت عجبها اوى، وقعدنا شغالين على الاغنية لمدة سنة كاملة.
وأضافت دومينيك، انا حب اسمع الاغنية دى اوى بالرغم انى مش بسمع الأغانى بتاعتى لانى علطول بسمع للسيدة أم كلثوم وعمرو دياب ، بس اغنية "المزة اللبنانية" بسمعها علطول حتى فى منتجين كتير طلبونا فى شغل نعمل حاجة بنفس الشكل فى أفلام، والاغنية بتناقش قضية بتهمنا كلنا اللى هى المعاكسات فى الشارع، والحمدلله النجاح ده من عند ربنا.