خطيب المسعفة اللبنانية بحادث مرفأ بيروت يتذكرها بكلمات مؤثرة: وقفت الدنيا عندي

ما زال جيلبرت قرعان خطيب المسعفة اللبنانية بحادث مرفأ بيروت سحر فارس يرسل إليها رسائل وكلمات مؤثرة تجسد مدي تأثره بعد أسبوعين من رحيلها أثناء تأدية عملها، ونشر مجموعة صور تجمعهما عبر حسابه بموقع "انستجرام"، معلقا :"عروستي الحلوة..ملاكي الحارس..متل هالنهار من جمعتين الساعة ٦:٠٧ وقفت الزمن عندي ، وقفت الدني عندي ، تحول كلشي من فرح وضحك لحزن وخسارة". وتابع :" بلحظة خسرتك ، بلحظة خسرت ضحكتك ، بلحظة خسرت حنيتك ، بلحظة خسرت انسانيتك ، بلحظة خسرت كلشي حلو بحياتي ، بلحظة صارت حياتي جحيم ، بلحظة قتلوكي و قتلوني معك ، بلحظة كنتي ملاكي عالارض الشايف حالي في صرتي ملاكي بالسما و شايف حالي في اكتر ". ‎وتابع :"انا مابدي ياكي شهيدي بطلة كنت ، لانك بطلة بعيني وبعين كل شخص بيعرفك ، كان بدي ياكي حدّي ومعي وبقلبي وكفي مشوارنا سوا .. ‎الله ينتقم من كل انسان عمل فيكي وفيني هيك ، الله يحرمن اغلى ما عندن يلي حرمني منك يا عيوني ..اذا عدالة الارض مش حا تاخدلي حقي و حقك اكيد عدالة السما حا تاخدن". ‎ وأختتم كلامه قائلا :"بحبك كتير يا حنونة ، بحبك كتير يا فرحتي ، بحبك يا كل الدني ، بحبك حتى تخلص الدني و نكفي مشوارنا ..اكيد بتعرفي قديش اشتقتلك واشتقت اغمرك و شد واشتقت احملك وطير فيكي..حياتي و قلبي و عمري وعيوني انت يا عروس..لتكن مشيئتك يا رب".