تقيم مكتبة "دايون" حفل توقيع ديوان "باندا" للشاعر الشاب عمرو حسن، والذى صدر مؤخرا عن دار تشكيل للنشر والتوزيع وذلك فى تمام الساعة السابعة مساء، يوم الأحد المقبل يوم 10 أبريل الجارى بمقر المكتبة بالزمالك.
يذكر أن عمرو حسن، صدر له ديوان بعنوان "ناس كافية" عن دار دوّن للنشر والتوزيع .
من أشعار عمرو حسن :
وحشتينى
ولو كل اللى عارفينك قالولك انى مانفعكيش
ولو كل اللى عارفيننى قالولى بكره تنسينى
وحشتينى
ولو كل البشر قالوا ان انا عاصى
وانى غلطت ف حياتى غلط ياما
ده واد تلفان وكل يومين معاه واحدة
وحتى فلان زعل وياه عشان واحدة
انا أصلا مانيش يوسف
ولو زوجة العزيز همت
وقالت هيت لك ياجميل
يجوز راح اميل
وممكن اضمها جهراً
يسيل من ضحكها نهراً
تدوب الاغنيات ف النيل
لكن مهما هاشوف وهاطوف ومهما قابلت ناس وظروف
هتبقى لوحدك القشة اللى جيت علشان تنجينى
وحشتيني