نلقى الضوء على كتاب "الخروج عن النص" لـ محمد طه، وهو طبيب نفسى وأستاذ جامعى، ويرى أن حياتنا ممتلئة بالنصوص المكررة والسيناريوهات المحفوظة، التى تستوجب التفكير وبالتالى الخروج عليها.
وقد صاغ محمد طه كتابه باللهجة العامية، لذا نجده يقول "ساعات كتير بنحاول نخرج عن النص بطرق مختلفة، وأساليب متعددة، بس دايما بيكون فيه حاجة ناقصة، مهم أننا نعرفها ونمارسها الأول، الحاجة دى اسمها "الوعى النفسى".
احنا محتاجين نعرف أكثر عن أنفسنا، عن مشاعرنا، عن طرق تفكيرنا، عن دوافع تصرفاتنا، محتاجين نعرف عن علاقاتنا بمختلف أنواعها وأنماطها، قد إيه منها مشوه ومؤذى، وقد إيه منها صحيح ومفيد، محتاجين نعرف عن أفعالنا وردود أفعالنا اللحظية واليومية مع الآخرين أصلها إيه وجاية منين ورايحة فين؟
ويقول الكتاب أيضا:
مهم جدًا فى رحلة أى حد فينا إنه يقف شويه قدام المراية، المراية النفسية، اللى من خلالها يقدر يشوف نفسه، ويعرفها، ويتعلم منها، علشان يخرج عن النصوص القديمة، ويبدأ يقبل نفسه ويحبها، ويغيرها للأحسن، وهى رحلة تستحق التعب، والصبر، وبعض الألم.
الكتاب ده هيساعدك إنك تشوف، تشوف نفسك، بكتير من تفاصيلها و خباياها، تشوف الآخرين، بطريقة جديدة ومختلفة تمامًا، وتشوف علاقاتك، بدرجة عالية من الدقة والوضوح، الكتاب ده هيساعدك إنك تتغير وتخرج عن النص.
