أبويا مصدر الثقة.. قصيدة جديدة للشاعر خالد عبد النبى

ننشر قصيدة لـ الشاعر خالد عبد النبى بعنوان أبويا مصدر الثقة. كبر خلاص الولد وبيسألوه عن أبوه فرد قال السند من بعده فعلا أتوه ابويا ده حبيبى صاحبى اللى عمره ما خان واكتر حد بحكيله ومش خايف ومدى امان ولما بيقسى بتعلم كمان وكمان ولما يحن بطمن فى اغلى كيان زمان كان يجى من بره وشايل حاجات فى ايديه تغطى الحلوة ع المُره حبيبى يا بابا جبتلى ايه يقولى ياسيدى شوف كل اللى قولت عليه صرف كتير على دراستي كان همى ياما يكتفه وكنت اكتب فى كراستي هنجح ولازم اشرفه ابويا عاش العمر ليا عافر عشانى كتير نفسى يوم يسند عليا وانا تحت امره اسير بتيجى جراح تقطعنى والاقى الكل ينسانى واروح على أبويا يسمعني واحس بضهر قوانى حبيبى اللى عشت بحِسُه وعمرى يوم ما نسيت كان ياما يجى على نفسه عشان يكفى البيت وأما يسافر كنت بمرض كنت احس الناس مسافرة لكن حكالى الشعر الأبيض عن سنين غربة ومعافرة بتسألونى عن مين عن اغلى حته منى اول ما جيت الدنيا هو اللى شالني طمن فى قلبى ساعتها ضم فيا وكان حاضني و اهى مرت الايام وربانى وكبرنى وعلمني ابويا شال هم وبُكى اكتر كتير م اللى اتحكي ولا شوفته يوم مرة اشتكى من بعده مافيش امان ابويا مصدر الثقة علمنى معنى الإنسانية واحب الخير لغيري زى ما احبه ليا علمنى اخلاق النبى وازاى رضاه مكسبى والليلادى بقوله شكراً والف شكراً يا أبي