اسمك صحيح منسى لكن مذكور.. وائل السمرى يرثى الشهيد أحمد منسى

تمر اليوم ذكرى استشهاد البطل أحمد منسى، 7 يوليو من عام 2017، إثر ملحمة عظيمة دفاعا عن كمين البرث فى سيناء ضد الجماعات الإرهابية، وكتب الشاعر وائل السمرى، رئيس التحرير التنفيذى لـ "انفراد"، قصيدة بعنوان "اسمك صحيح منسى لكن مذكور" فى رثاء البطل. طريقين قصاد ابن آدم. وخطوته سبقاه رجليك شمال ويمين وانت عليك الاتجاه والاختيار ده قرار وفِى إيدك الدفة يا إما تزرع موت يا إما تحصد حياة يا صقر فارد فى الفضا جناحك يا ابن العلم والأرض يا ابن النور يا عريس منور كل افراحك اسمك صحيح منسى لكن مذكور يا حقيقة اجمل من خيال شاعر يا مبتلى بالحب والإخلاص انا لسه فاكرك والزمان فاكر وإزاى هننسى اللى رافع راسنا بين الناس يا منسى فاكرينك.. حافظين دواوينك ده انت القمر فى علاه ..والشمس فى جبينك واللى ما يتسموا .. فى الضلمة يتلموا تطلع بنور الله.... تقهر عدوينك يا ابو ضحكة زى التوتة ع الشجرة يا ابو قلب زى النيل متعافى ومسامح شيلت الجبال علشان توهب لنا بكرة وهما كان حلمهم ياخدونا لامبارح يا صانع المعجزة،، يا حامل الراية يا اللى دفعت الأذى بسلاح وضحكاية يا حى بين اموات جبت الجمال ده منين؟ وإزاى زرعت الدفا فى سمايا وغنايا يا صانع المعجزة،، يا حامل الراية يا اللى دفعت الأذى بسلاح وضحكاية يا حى بين اموات جبت الجمال ده منين؟ وإزاى زرعت الدفا فى سمايا وغنايا