أعلنت دار الشروق للنشر عن صدور كتاب "الخروج عن النص من جديد"، والذى يعد التعاون الثانى للدكتور محمد طه مع دار النشر، بعد كتابه "ذكر شرقى منقرض"، والذى تربع عرش الأعلى مبيعًا منذ طرحه بالمكتبات، إذ يأتى الكتاب تزامنا مع معرض القاهرة الدولى للكتاب.
والدكتور محمد طه، أستاذ مساعد الطب النفسى بكلية الطب جامعة المنيا، ونائب رئيس الجمعية المصرية للعلاج النفسى الجمعى سابقا، وعضو الجمعية العالمية للعلاج النفسى الجمعى.
ومن أجواء الكتاب: فيه ميراث بيتم توزيعه وقت الولادة.. بمجرد ما حضرتك تتولد.. بتبدأ فى استلام تركة ثقيلة وممتدة من كل أجيال أسرتك، دول يسلِّموك مخاوفهم.. ودول يسلموك نقط ضعفهم.. ودول يسلِّموك نصوص حياتية مُعدة مسبقًا. إحنا محتاجين نقف وقفة حاسمة وجادة.. نراجع فيها كل ما تسلمناه.. محتاجين نخرج عن النص.. ونبدأ في الكتابة من جديد.. بأقلامنا نحن.
وجاء فى مقدمة الكتاب: تم نشر كتاب "الخروج عن النص" سنة 2015.. واليوم.. وبعد ست سنوات من الوعى.. تحول كتاب "الخروج عن النص" الأصلى إلى الباب الأول فى هذا الكتاب.. والذى يحمل الباب الثاني منه اسم "العودة إلى الحياة".. والمكون من اثنا عشر فصلًا جديدًا.. في الباب الأول "الخروج عن النص"، هنعرف يعنى إيه حدود نفسية.. وإيه هي نفسك الحقيقية ونفسكالمزيفة.. وليه بنكرر أحيانا نفس الغلطة.. هننتعلم عن المواقف غير المنتهية.. والمشاعر اللي بنحسها.. بسهي في الحقيقة مش مشاعرنا.. هانكتشف أزاى ممكن نكون عايشين نصف حياة... وايه الأدوار اللى بنلعبها في سيناريوهات حياتنا.. وإيه هو أقوى سلاح في تاريخ البشرية.
وفى الباب الثانى (العودة إلى الحياة).. هنتكلم عن الصوت الداخلى اللى بيطلع من جوانا، ويرسل لينا رسايل صعبة، تفسد علينا طعم الحياة.. هانستعرض بالأمثلة بعض القرارات اللى بناخدها واحنا صغيرين، واللى بتتغير معاها حياتنا للأبد.. هانتكلم عن الانتحار.. وإيه معنى إن حد يقرر ينهي حياته.. هانشوف الخوف من الهجر والوحدة ممكن يعمل إيه في أصحابه.. هانفهم اختياراتنا بتقول عننا إيه.. وهانعرف إزاى ما نخليش احتياجاتنا.. تبهدلنا.. ياللا بينا نخرج عن النص.. في اتجاه النور.. في اتجاه الحياة.
