حكى الكاتب عمر طاهر، عن سر "قالب الطوب" الموجود داخل دولاب الكاتبة الراحلة نعمات أحمد فؤاد.
وقال "طاهر" على صفحته الخاصة على موقع التواصل الاجتماعى "فيس بوك""كنت أعمل حوار مع د.نعمات أحمد فؤاد فى بيتها و لفت نظرى فى دولاب مدهب فرنساوى شيك فى صالون بيتها كان باين ورا الازاز بين التحف قالب طوب أحمر عادى متآكل.. سألتها قالت لى فى يوم صحتنى مديرة المنزل مفزوعة بتقول لى الحقى بيهدوا بيت أم كلثوم. . جريت على هناك و كل اللى قدرت اعمله إنى أحافظ ولو على قالب طوب واحد من البيت ده.. رحمها الله رحلت اليوم".
وكانت الكاتبة نعمات أحمد فؤاد قد رحلت صباح اليوم عن عمر يناهز الـ90 عاما.
