فى سنة أولى أمومة يتعرض الطفل لمشاكل صحية يجب أن تعرفها الأم من البداية، حتى تستطيع التعامل معها بشكل صحيح، وتعتبر حساسية الألبان من أبرز مشاكل "حديثى الولادة"، وهى عبارة عن صعوبة شديدة فى هضم سكر الحليب اللاكتوز وهو سكر طبيعى يوجد فى الحليب، مما يسبب "ألم شديد وقىء" وعدم امتصاص اللبن.
علشان كد "انفراد" هيقولك إيه هى الأعراض إلى لو ظهرت على طفلك، دليل على إصابته بحساسية الألبان، زى ما قال لنا الدكتور وائل أبو الخير ماجستير طب أطفال وحديثى الولادة:
1ـ هتلاقى دايما طفلك عنده إسهال ومغص وقىء مستمر.
2ـ بين الفترة والتانية هيتعرض طفلك للرشح والسعال بسبب ومن غير سبب.
3ـ هيظهر على طفلك إفرازات شديدة فى العين.
4ـ هيظهر على طفلك حكة واحمرار وبقع بشكل مفاجئ ودون مبرر.
5ـ لو ظهرت على طفلك أى حاجة من الأعراض دى لازم تستشير الطبيب فورا لفحص الطفل والتأكد من الحالة.