"الفلوس ولا السعادة".. الشباب يرد

بآلاف التغريدات، تصدر هاشتاج "الفلوس ولا السعادة"، قائمة ترند تويتر فى مصر وبعد الدول العربية بينما حل ثالثا فى قائمة الترند العالمى، أعرب من خلاله المغردين عن آرائهم فى الاختيار ما بين المال والسعادة. وتنوعت آراء وتغريدات المشاركين من خلال الهاشتاج، حيث قال هانى سالم: "لا هذا ولا ذاك، الأفضل منهم فرحة لبس الأفرول والبيادة وأتمنى فى أى وقت نول الشهادة لجل مصر اللى بعشقها وبزيادة، هذه حقيقة ومش مجرد كتابة"، فيما قالت رنا أمين: "الفلوس ولا السعادة، نعقل الكلمة يا جماعة، هو فى سعادة من غير فلوس". وقال عبد الله الوعيلى: "الفلوس هى أوراق نتعامل بها وهى ليست السعادة، قد تكون سبب السعادة أو التعاسة"، وقال هيثم عبد اللطيف: "السعادة لا تشترى بالأموال، السعادة تكمُن فى إرضاء ذاتك بأن جميع أمورك تمشى حسب خط مرسوم لك منذ ولادتك لا شأن لك فيه لأنه مكتوب لك منذ ولادتك إليّ مماتك، إن رضِيت أصبحَت أكثر إنسانا سعيداً على وجه البصيرة وإن تمردت أصبحت تعيسا ولا أموال الدنيا تجعلك سعيد". بينما قال هشام مبارك: "وإيه المانع تجتمع الفلوس مع السعادة، زى مثلا يعنى يجينى تلغراف من محامى برازيلى يقولى خالك اللى هاجر البرازيل من زمان مات وسابلك ثورة سبعين مليون دولار بس له شرط وحيد انك تتجوز بنته الوحيدة وعمرها 25 سنة واللى كانت بتنافس على لقب ملكة جمال البرازيل من سنتين"، فيما قالت خلود ياسر: "لو اتسألت السؤال ده من كام سنة كنت على طول من غير تفكير اخترت الفلوس وأعمل بيها أى حاجة أنا عيزاها، وبكده أكون سعيدة، بس دلوقت معظم تفكيرى اتغير، اللى هو كل اللى أنا عيزاه بس إنّى أكون سعيدة فى حياتى مع أهلى والنَّاس اللى بحبهم وبصحة كويسة".