"سنجل وآخر فرفشة..مابشيلش هم الفركشة"..اعرف الشباب مش عاوز يتجوز ليه؟

من الغريب عزوف الشباب من الجنسين عن الزواج، وارتفاع نسب الطلاق للمتزوجين حديثا، الأمر الذى يدعو إلى التساؤل حول الأسباب التى أدت إلى ذلك والتى كان أغلبهاعدم الرغبة فى تحمل المسئولية وراحة البال، بينما لم يوافق البعض الآخر الحظ فى لقاء شخص مناسب يكون شريك لحياتهم، أما عن الآخرين فيعزفون عن الزواج لعدم توافق الأراء واختلاف الطباع مما ينتج عنه خلافات يصعب حلها. غرد "السناجل" عبر هاشتاج "بحر السنجله" الذى شارك فى قائمة الأكثر تداولا على تويتر، قال محمد الجندى:" بكل هدوء وبدون عنصرية البنات أى حاجه بتدخل فيها بتبوظها"، وفى نفس الإطار قال عبد الرحيم:" عايم فى بحر السنجله بس مريح دماغي والله العظيم"، ويرى إسلام :"السنجله روقان وراحه البال.. السنجله مزاج عالى". وعلقت إحدى الفتيات، والتى لم تتزوج رغم زواج زميلاتها وارتباط البعض الآخر، قائلة: "أنا تقريباً كل صحابي مرتبطين وأخواتي وقرايبي اللي هو مفيش حد سنجل غيري هيا المشكلة فيا ولا فيكو ما هو اكيد مش فياا !". وتؤكد رغدة، أن المجتمع يرى الفرد الذى لم يوفقه الحظ فى الارتباط من غريبى الأطوار، حيث قالت:"هو خلاص الموضوع بقي غريب للدرجة دى اللي هو المفروض لو أنت سنجل تخبي نفسك عن الناس عشان ده بقي عيب وغريب والناس هتقولك أنت أزاى كده بجد أحنا بقينا بنمشي مع التيار في أى حاجه وخلاص من غير فهم أو إدراك هي العلاقة صح أولا بس لازم تبقي زي الناس وخلاص".