كيف تطورت تحريات البنات عن العريس من الجيران والمعارف للفيسبوك؟

فى صدمة مشابهة للصدمة التى انتابت السوشيال ميديا بعد قصة "مصطفى أبو تورتة" فاجأت إحدى الفتيات السوشيال ميديا بقصة جديدة عرفت باسم "مصطفى أبو تسعة"، حيث اكتشفت قبل إتمام زواجها بأيام قليلة أن زوجها المستقبلى سبق له أن تزوج وطلق 9 نساء، وأنه تعرف عليها وفاتحها فى الارتباط وهو فى شهر العسل. هذه القصة الصادمة من الفتاة جددت التساؤلات لدينا، عن خطوة "تحريات العروسة" عن العريس المتقدم لخطبتها والتى كان الأهل يحرصون على إتمامها قبل السماح له حتى برؤية العروس أو دخول بيتهم، ودفعتنا لطرح السؤال على العديد من الفتيات: هل ما زال أهل العروس متمسكين بالتحريات عن العريس؟ وهل تطورت طريقة إجراء هذه التحريات فى السنوات الأخيرة؟ "أسألى صحابه وجيرانه ..بس ماتعرفهمش إنه متقدملك" قالت إسراء إبراهيم : "بسأل عنه أصحابه وجيرانه من غير ما أعرفهم، إنه متقدملى، عشان يقولوا الحقيقة، والأسلوب ده استخدمته مع شاب كان متقدملى ومفهمنى انه خطب مرة قبل كده، و طلع خاطب قبل كده أربع مرات وعرفت عنه حاجات تانية كان مخبيها عنى أنا وأهلى". "وقعيه فى الكلام " أما دينا قاسم فقالت: "اتقدم لى شاب كان فيه كل مميزات اللى كنت بتمناها، وسألت عنه فى الشغل والبيت والكل كان بيشكر فيه، ويقولوا محترم جداً، لكن كنت حاسة بإحساس غريب، لكن بالكلام معاه، عرفت منه إنه بيعانى من عيب صعب أوى إنى أتأقلم معاه، فرفضته". "بنسأل البقالين قبل الجيران " وقالت صفاء محمد، عن الوسيلة التى استخدمها والدها لمعرفة حقيقة الشاب المتقدم لها :"بابا سأل بقالين فى الشارع عند الشاب اللى كان متقدملى، وجيرانه، والحمد لله كلهم قالوا الحقيقة" وأوضحت "سألناهم عن أخلاقه وطريقة تعامله مع الناس وهل بتاع مشاكل ولا لأ، والبقالين كمان بيبقوا أصدق من الجيران". "بندور عليه فى الفيس بوك " يبدو أن وسائل التواصل الإجتماعى، أصبحت ضمن وسائل البحث عن حقيقة العريس، حيث قالت مى محمد:" إحنا بنسأل عليه الجيران وزملائه فى الشغل، وكما بدور على صفحته فى الفيس بوك، عشان أعرف حقيقة أخلاقه، ومعاملته مع البنات". "ماحدش بيقول الحقيقة " فيما كان لمريم عيسى رأى مختلف حيث قالت:"مافيش حد بيقول الحقيقة، الجيران بيأكدوا أن العريس كويس وبيكونوا طالعين بيه السما، ولما الموضوع يتفركش نفس الناس اللي كانوا بيشكروا فيه، هما برضه اللى بيأكدوا إنه مش كويس، و الحقيقة أن ماحدش يعرف حاجة عن حد،عشان كده لازم صلاة الاستخارة مهمة هي اللي هتدل على الحقيقة.