شوارع القاهرة تتزين بفوانيس رمضان رغم كورونا.. الأسعار ثابتة والمصرى يكسب.. صور

رغم التداعيات السلبية فإن جائحة فيروس كورونا لها عدة فوائد، أهمها ارتفاع قيمة المنتج المصرى بعد أن تراجعت نسبة مبيعات المنتجات الصينية التي كانت تغرق الأرض وما عليها بصناعتها سواء في مصر أو كافة الدول الأخرى، وعلى الرغم من هذه الفائدة العظيمة إلا أن الجميع ينتابه القلق من جائحة كورونا، وخاصة حظر التجوال الذى فرض مؤخرًا بعد قرار من العزل المنزلى للمواطنين والعمل من البيت لبعض الفئات العاملة في الدولة، هذا بالتزامن مع استقبال شهر رمضان الكريم صاحب البهجة الخاصة الإحساس الروحانى الذى ينتظره المسلمون في جميع أنحاء العالم. تأتى الرياح بما لا تشتهى السفن وفى هذا التوقيت الملىء بالتناقضات تنتشر شوادر الفوانيس وزينة رمضان في أحياء المحروسة وخاصة مصر القديمة، فترى الشوارع مزينة بالفوانيس المعلقة، التقى انفراد مع عماد أبو العدب صاحب مصنع فوانيس رمضان، حيث قال في بداية حديثه: "السنة دى كنا هنكسب مكاسب قياسية بسبب كورونا قبل ما تصيب مصر، كل الدول في العربية وغيرها أجنبية تعاقدت معانا لتوريد فوانيس رمضان بعد إصابة الصين، زى الأردن والإمارات والبحرين وعمان والسعودية، وبالفعل أخذنا عربون، ووسعنا في الإنتاج الأضعاف، ولكن فجأة ظهرت كورونا فى مصر أيضًا وفسخت كل التعاقدات مع الدول المستوردة، وقالولنا خالوا الفلوس معاكم لما تخلص الأزمة". أنواع الفوانيس وأسعارها وتابع "عدب": عملنا فوانيس كتيرة جديدة السنة دى بأشكال مختلفة ولكن عشان السوق مش مستحمل ما طلعنهاش اشتغلنا على فوانيس السنة اللى فاتت بأنواعها لأن السوق مش متحمل، عندنا أنواع زى فانوس زهرة اللوتس وسعره بيدأ من 40 إلى 300 جنيه، وفانوس البرج وده كان بيتصدر برة وبتاخدة الفنادق الكبرى هنا لأن طوله بيعدى 6 متر وسعره حسب المقاس بيبدأ من 20 إلى 6000 جنيه، أما فانوس التاج سعره بيدأ من 60 إلى 600 جنيه، وفانوس أبو العيال وهو عبارة عن جامع وحوليه 5 مآذن يبدأ من 100 إلى 10,000 جنيه، وأغلى فانوس بعته السنة دى كان البرج وبعته بـ6000 جنيه. إقبال شديد من المواطنين على شراء فانوس رمضان وأكمل"عدب"حديث" :"كنا بنبيع الفوايس الغالية للفنادق والكافيتريات والمطاعم والتصدير طبعًا لدول العربية إللى كانت بتاخد شغلنا على طول، لكن دلوقتى اعتمادنا على الزبون المصرى بس، وهو بصراحة مشغلنا كويس، أحلى حاجة في المصريين بيحتفظوا بعاداتهم وتقاليدهم رغم أي ظروف، يعنى عشان في حظر الناس بتيجى وتقف من الساعة 7 الصبح عشان تشترى الفوانيس، في اقبال جامد من الناس وخاصة على عربيات الحمص والفول والترمس والبطاطا بايع العصير والعرق سوس، وكل العربيات دى ثمنها من 120 إلى 130 جنيه". مازال فانوس بوجى وطمطم يتربع على عرش وعن فوانيس الخيامية قال"عماد":" عملنا الفوانيس والزينة بقماش d 3 والحمد لله عليه اقبال كبير جدًا من الناس، سعر الفانوس الخيامية المصنوع من السلك وعليه القماش بيدأ من 70 إلى 1200 جنيه، وأما فانوس بوجى وطمطم منزلش من مكانه أبدًا الناس بتطلبه بكثرة وبيدأ سعره من 80 إلى 200جنيه، والمفارش والخدادية والمدفع تبدأ من 30 إلى 13300 جنيه. وختم صانع الفوانيس حديثة قائلًا: "رغم الأزمة إللى احنا فيها إلا أننا المصريين بنقف جنب بعضنا في كل حاجة إللى معاه بيساعد اللى معهوش، ولولا الناس لسة متمسكة بعادتها وعاوزة تفرح وتفرح عيالها كنا اتأثرنا بكورونا أكثر من كده".