تعتبر منطقة الزاوية الحمراء من المناطق التى تتصدر المشهد فى الطائرات الورقية وأشكالها المختلفة والرسومات الرائعة التى اصبحت علامة فى سماء المنطقة لكن هذه المرة كان تفكير الشباب مختلف وأكثر نضجاً.
يعتبر الشهيد البطل احمد صابر منسى أصبح أيقونة وقدوة لدى الشباب ألذين يفخرون بتضحياته ويتباهون بها.
احمد بيبو صاحب فكرة رسم الشهيد المنسى على طائرة ورقية يقول: كان ليا واحد صاحبى عنده طيارة كبيرة واتكسرت وكان زعلان قولتله ماحنا ممكن نعمل واحدة احسن منها وعلى كمان صورة الشهيد المنسى وفعلا أيادينا الفكرة وكل واحد من المجموعة إللى اشتغلوا فيها كان ليه دور يعنى عبده العسكرى هو الفنان بتاعنا وهو إللى رسم صورة المنسى بالشكل الجميل ده وسامح بازوكا هو إللى عمل هيكل الطيارة وفيه إللى اشتغل فى الجيل ومجموعة كبير اوى.
يقول عبده العسكرى : لما بيبو قالى ع الفكرة عجبتنى اوى وابتديت فيها على طول والرسمية خدت 8 ساعات لحد ما طلعت فى الاخر بالشكل ده ومبسوط انها كل والأكبر والناس تشوفها فى السما بتقرا الفاتحة للشهيد المنسى وتدعيله.
يقول سامح بازوكا: بقالة 30 سنة بعمل طيارات ودى احلى طيارة عملتها وكان رد الفعل كبير جدا وكنت مبسوط وكل مرة بنطير فيها طيارة المنسى الشارع كله بيقف والناس بتبقى عايزة تتصور معاه ودى حاجة يتفرجوا كلنا.
وأخذت الطائرة مجهود كبير من فريق العمل الذى يتكون تقريباً من 10 أفراد لتخرج طائرة المنسى بشكل يليق بالشهيد وتكون هدية من أهالى الزاوية الحمراء لكل من يقدم نفسه فداء للوطن.