"على" اضطر يكتفى بالثانوية فطور موهبته فى إبداع تصميم البوسترات

لم يسمح لعدم استكماله تعليمه أن يكون عائقاً أمام موهبته، حيث أبدع "على طارق" الشاب العشرينى فى تعديل الصور بخاصية الفوتوشوب، مستخدماً عدة برامج على جهاز الكمبيوتر الخاص به، وحول الصور العادية إلى صور تنافس بوسترات الأفلام الاحترافية. قال على طارق فى حديثه لـ"انفراد" إنه منذ الصغر يعشق التصوير، وعندما اضطر لإنهاء رحلته التعليمية عند الثانوية العامة لظروف خارجة عن إرادته أراد العمل لكن في شيء يحبه، فقام بالعمل بأحد الاستوديوهات ليكون قريباً من شغفه. وتابع: "كنت بدرس في كلية آداب بس مكملتش فيها لأني كنت شغال في شرم الشيخ ومقدرتش اوفق بين الدراسة والشغل فاخترت الشغل"، بدأ العمل على تعديل صور الأصدقاء والمعارف حتى قرر أنه يصبح عمله وشغله الشاغل، وأردف: "الموضوع بدأ معايا بحبى للتصوير والتعديل على الصور لصحابى وبعدين اخدت خطوة انى اشتغل فى حاجة بحبها وقررت ابدأ فى استوديو، دائماً اللى بيحب حاجة بيتميز فيها ويبدع". حظى بتفاعل كبير على صفحته الشخصية بعد نشر صوره التى التقطها لنفسه قبل وبعد التعديل بالفوتوشوب، وقال على: "الأول كانت ردود الفعل إنه شغل عادى ملوش مستقبل، لكن حالياً لما شافوا الشغل بتاعى والإيجابية في ردود الأفعال ابتدوا يحسوا إنى عندى موهبة تستاهل الدعم". وعن طموحاته في الفترة القادمة قال: "بسعي إني أدخل مجال السينما واتميز فيه لحد ما أوصل للعالمية، وأثبت لكل المحبطين إنى قادر أتعلم وأبدع وأنجح كمان".