غزل البنات.. إيمان تحول الشنط إلى قطع فنية بلمساتها بالإبرة والخيط

بالأبرة والخيط تحول الشابة "إيمان على" أى شئ إلى تحفة فنية، وترسم بالخيط كما لو أنها تمسك مجموعة أقلام متعددة الألوان لتحول كل ما يقع تحت يديها إلى لوحة رائعة فى تفاصيلها وألوانها."فن التطريز اليدوى" هو الهواية التى تسيطر على الشابة إيمان خريجة كلية الحقوق والحاصلة على ماجيستير فى الحقوق. ترسم إيمان بالإبرة والخيط على كل ما يقع تحت يديها سواء شنط او مفارش أو حتى إكسسوارات وبراويز، وتقوم بالتطريز عليهم وتحويلها إلى قطع فنية لا مثيل لها وتضفى عليها روحا جميلة. وعن موهبتها قالت إيمان على :" شغل والدتي الله يرحمها كان عمل تابلوهات كبيرة بالسيرما وكانت تهتم كثيرا بعملها، وبعد وفاتها حاولنا إكمال مسيرتها ولكن بطريقة أقل تعقيدا". وبالنسبة لتعلم التطريز قالت إيمان :"بدأت بعد ما اختي الكبيرة ورتني الفكره وعجبتني جدا وهي الي ساندتنى وشجعتني على البدء". وتابعت :"طبعا مريت بصعوبه كبيرة في البدايه لان بالرغم من أني عارفه كيفية التطريز إلا أن الموضوع كان صعب لأني متعوده علي الأحجام الكبيرة وكان صعب اطلع كل التفصيل في مكان أكبر حاجة فيه 8سم، وتانى حاجه كنت متعوده الشغل بيترسم الاول وبنشتغل عليه لكن الشغل الصغير ده مفيهوش رسم فمحتاج تركيز أكثر، ولكن بالممارسه والمحاولات الكثيرة أصبحت النتائج جيدة". وأضافت :"دلوقتى بشتغل شنط ومفارش وبراويز، وبستخدم خيوط dmc فرنسيه، وخيوط حرير تركى وأغلب المعادن التركيه". ووجهت إيمان نصيحة لغيرها من الفتيات قائلة :"عايزة أقول لأى بنت دورى اللى بتحبى تعمليه، وحاولى كتير ومتخليش حاجه تحبطك لأن مفيش حاجه من أول مره بتنجح".