أحمد قدم ملابس عصرية بنقشات فرعونية على الموضة.. تناسب كل عصر

عشق الفن منذ نعومة أظافره، فكان يخطط بالقلم على الورق، ويرسم به مايتخيله، وعمل على تطوير موهبته وممارستها، بجانب دراسته بالمدرسة، حتى نجح في الثانوية العامة، والتحق بكلية التربية الفنية، وأصبح الرسم هو هوايته وعمله الأساسى، فحرص على الجمع بين حبه للرسم واتجاهه للعمل في مجال الأزياء من خلال إضافة لمساته الفنية على الملابس والجمع بين القديم والحديث، من خلال رسم نقشات فرعونية بلمسات عصرية. نقش أحمد عصام، نقشات فرعونية على الجواكيت الجينز، مع رسم شخصيات فرعونية، وهى مرتدية ملابس عصرية وتلتقط لنفسها صورة "سيلفى"، أمام المرآة، وتحدث أحمد عن تصميماته لـ" انفراد"، حيث قال: "أنا برسم من وأنا عندى 4 سنين، ولأنى بحب أفكر دايماً برة الصندوق، رسمت على حاجات مختلفة، زى إنى رسمت على الكمامة والجاكيت والأطباق، و رسمى على الجاكيت، لأنى مهتم بالفاشون، ونفسى يبقى ليا بصمتى الخاصة في مجال الأزياء، فكرت أرسم على الجاكيت، سواء رسم أشخاص على الجاكيت وبتكون قطعة واحدة، و دى بتكون حاجة مميزة لأنها بتكون قطعة واحدة". تابع: "فكرت في رسم النقشات الفرعونية، على الجواكيت، لأنى شايف أن الحضارة الفرعونية، مليانة رسوم مميزة، ممكن تستخدم لعصور قدام، وحبيت أضيف عليها لمسات عصرية، زى رسمي للملكة نفرتيتى وهى بتتصور سيلفى قدام المرايا، والتصميمات عجبت ناس كتير، وطلبوا يضيفوا الرسومات الفرعونية، على الجواكيت وكل حاجة خاصة بيهم". يحلم أحمد بتحقيق المزيد والمزيد من أحلامه على أرض الواقع، والتي تحدث عنها قائلاً: "أنا بغنى وبرسم وبعمل حاجات تطريز، وبحلم أدمج الرسم والغناء في عمل فنى واحد وناوي أنفذ ده الفترة الجاية إن شاء الله، وأعمل براند خاص بيا في الفاشون ويكون عليها رسوماتى ".