سألنا البنات إيه اللى ممكن يدمر الزواج؟ قلة المشاركة وانعدام الثقة الأخطر

الزواج رباط مقدس يقوم على المشاركة بين شخصين قررا المضى قدما فى حياتهما سويا، وللزواج الناجح أسس ثابتة أبرزها التفاهم والثقة والاحترام. ولكن فى كثير من الأحيان يتصادم الطرفان نظرًا لاختلاف التفكير والمتطلبات ما يتسبب فى حدوث الكثير من المشاكل والصراعات الزوجية، وتصل فى كثير من الأحيان إلى حد الانفصال، وفى التقرير التالى نتعرف على آراء بعض الفتيات بشأن أسباب فشل الزواج: وقالت داليا: "أشياء كثيرة، لكن عدم التواصل هو بالتأكيد أحد الأسباب الرئيسية، إلى جانب الخيانة الزوجية والغيرة والتوقعات الخاطئة". أسباب فشل الزواج وأضافت مونيكا: "عدم الصدق بشأن مشاعرك، وعدم الاهتمام بمتطلبات كل طرف، وأما يبقى فى مشكلة مش بيشتغلوا أنهم يحلوها مع بعض، كل واحد بيفكر بنفسه وبيمنعه كبريائه من التنازل علشان الدنيا تمشى". فيما قالت ريموندا: " أشياء كثيرة جدًا يمكن أن تدمر الزواج، علشان كده لازم يكون الحب والاهتمام والرغبة فى العطاء موجودين عند كل طرف، وما يخلوش أى حد يتدخل ما بينهم، ويتعلموا يواجههوا مشاكلهم مع بعض مش كل طرف يكون فى ناحية". فشل الزواج ورأت فاطمة أن سبب فشل الزواج قد يكون: "قلة الانتباه والاضطرار إلى القيام بكل شيء بنفسك لأن الزوج كسول، وعدم وجود مشاركة من أى نوع وفى كثير من الأحيان بيتم إلقاء الأعباء على السيدات، وبتيجى فى وقت مش بتبقى قادرة تبذل أى مجهود وتقرر الانفصال". وتابعت ماجدة قائلة: "قلة التواصل بين الزوجين ممكن يتسبب فى فشل العلاقة، مافيش حد فيهم بيفكر يعبر عن اللى جواه، أو يبقى مهتم يعرف اللى قدامه حاسس بأيه، وقلة الثقة بردو بتخلى الحياة مسحيلة فى أغلب الأوقات". وحددت ميرفت أسباب فشل الزواج قائلة: "الكذب فى كل حاجة، والخيانة، وعدم الاحترام بين الطرفين، والأهم من ده التحكم، وأن كل واحد يبقى عاوز يفرض سيطرته على الطرف الآخر، دى حاجات ممكن تقضى على أى زواج حتى لو فى حب".