سألنا الشباب والبنات احتفلتوا بست الحبايب إزاي؟ "مافيش طقم كوبايات"

"طقم كوبايات، برفان، منديل، وردة بلاستيك أو أدوات للمطبخ" في هذا الإطار طالما انحصرت هداياعيد الأملسنوات طويلة، لكن مع تطور الزمن والأفكار، أصبح الكثيرون يفضلون أن يقدموا لأمهاتهم هدايا تتعلق بها وباستخدامها الشخصي، ويحاولون الابتكار والإبداع في اختيار الهدايا. ولذلك، وفي نهاية اليوم، سألنا الشباب والفتيات عن احتفالهم بهذا اليوم. شيري: الهدايا كلها من اختيارها قالت شيري نبيل لـ انفراد: "أمى جميلة جمال ملوش وصف، صادقة وقوية وجريئة بشكل يخوف ولكن في حالة إذا تعلق الأمر بنا تكون بسيطة وحنونة ومصدر للأمان"، وأضافت "الاحتفال مع أمي يكون مختلف تمامًا، فنجتمع أنا وباقي أخواتي لعمل حفلة عند أمي وبصراحة كلنا بنحس إن الاحتفال لينا، فأمي تحضر أكلات مقربة لقلوبنا وبعد ما نقدم الهدايا المطلوبة تحاول تعطينا ثمنها وتقولنا أنا الأم أنا اللي أدي". وعن طبيعة الهدايا قالت شيري "الهدايا كلها بتكون اختيار أمي نسألها محتاجة إيه وهي تطلب وإحنا نقدم وفي الأخر بتكون عايزة تدفع حقها بصرحة بيكون يوم مميز وكوميدي وجميل بالذاكرة . أحمد: لو طلبت عيوني أقدمها أما أحمد فريد فقال:" أنا جبت لأمي سلسلة دهب بصراحة كان اختياري أنا لكن أمي طيبة وحنينة وست من ستات الزمن الجميل كان نفسي تطلب كنت جبتلها عيوني لكن هي عمرها ما طلبت مني أو من أخواتي". نادية: أمي دفعت فلوس الهدايا فيما قالت نادية :" أنا جبت لأمي هدايا كتير من اختياري واختيارها لكن الحقيقة كله بفلوسها لأنها رافضة تمامًا إني أدفع أنا وبصراحة مفيش هدايا توفي حق الأم معانا وياريت لو كل يوم عيد أم وبصراحة كل يوم بيعدي وهي معايا فهو عيد جميل ويوم جميل ربنا يبارك فيها هي أمي وأبويا هي الحياة . محمد: أمي رحلت وقدمت هدية لزوجتي وفاة الأم لم يمنع محمد حسن من الاحتفال بهذا اليوم فقال: " أمي وأبويا متوفين ولكن حبيت أحتفل مع زوجتي وجبتلها موبايل جديد بمناسبة عيد الأم، ولو أمي عايشة كنت هعمل كدا زي ماهجيب لأمي هجيب لزوجتي". منال: سنة أولي مامي أما منال فكانت تجربتها مختلفة:" أنا سنة أول أمومة وبصراحة أحلي هدية في الحياة هي بنتي الصغيرة وبصراحة حبيت إنها تكون مشاركه معانا في الاحتفال ونزلت أنا وهي واشترينا هدوم ليها هي ومش ليا أنا أنا كنت قاصدة كدا ولكن زوجي هو اللي قدم ليا هدايا". سندس: لو أطول أجيب ألماظ مش هتأخر فيما قالت سندس: أمي طول عمرها شايله همي هي سندي ومصدر الأمان ليا في الحياة أمي لو أطول أشيلها في عيوني مش هتأخر لحظة هي أمني ومأمني وحياتي وسري أنا عايشة في بلد بعيد عنها بمسافة 3 ساعات ولكن صورت فيديو لحد ما أكون عندها واحتفل في حضنها وبصراحة أنا جبت لأمي ذهب ولو أطول أجيب الماظ مش هتأخر، لأنهاضحت عشاني كتير أنا وأخواتي صبرت ونالت جزاء صبرها أنها شافتنا كبرنا قصاد عينه". طاهرة: أولادي كنز وأحلى هدايا من السماء أما طاهرة حسين فقالت:" جودي وجني أحلي هدية من ربنـا ليـا هما جنتي في الأرض وعوض ربنـا لـيا حبهم واهتمامهم بيـا مالوش وصـف وخوفهم عليـا بحس بيه الحمد الله علي نعـمة البنات ف المال والبنون زينة الحيـاة الـدُنيـا والهدايا بالرغم من مشاركة خالتهم فيها إلا أنها هدايا عظيمة جدًا".