"رانية" واجهت إصابتها بالفيبروميالجيا بتصميم الورود من عجينة السيراميك

عشقت فن "الهاند ميد" منذ نعومة أظافرها، فكانت تبحث دائماً فى مواقع الإنترنت عن أفكار مختلفة لتصممها بنفسها، حتى عثرت على فيديوهات تعليمية عن تصميم أشكال مختلفة من عجين السيراميك، ونالت الفكرة إعجابها وبدأت فى تصميم أنواع من الزهور بالعجين، الأمر الذى أتقنته مع مرور الوقت ونالت من خلاله العديد من الجوائز. تحدثت رانية عجمية، الحاصلة على بكالوريوس خدمة اجتماعية وماجستير إدارة أعمال، عن حبها لـ"الهاند ميد"، وتصميم للزهور بعجين السيراميك، لـ"انفراد"، حيث قالت "أنا بحب شغل الهاند ميد من صغرى ومن 2009 بدأت أشوف على الإنترنت طريقة عمل أشكال من عجينة السيراميك وجربت مع نفسى لحد ما اكتشفت سيدة بتعلم أونلاين التشكيل بعجينة السيراميك، وبدأت كورسات أون لاين مع مدربين أجانب عشان أقدر أنمي هوايتى أكتر وفى نفس الوقت أنا عندى مرض مزمن أسمه فيبرومالجيا المرض ده 90% من علاجه اليوجا وممارسة هواية". تابعت "بدأت أحول هوايتى لاحتراف من سنة 2020 واللى ساعدنى أكتر إنى اتصابت بكورونا 4 مرات فكان عندى وقت كبير إنى اشتغل فى البيت، وبدأت أستغل مرضى بشكل إيجابى واشتغل عشان أقوى مناعتى من خلال سعادتى فى الشغل، وإنى اسمع تشجيع من مدرب عالمى بأنى نجحت وأقدر أدخل مسابقة ده كان بيفرق معايا جداً". وأشارت رانية إلى بعض الأشياء التى جعلت تصميماتها مختلفة عن التصميمات الأخرى، حيث قالت "اللى بيميز شغلى إنى قدرت أخلى عحينة السيراميك ماتفرقش عن ورد السكر وبدلت مقادير عجينة البورسلين اللى بتستخدم برة بمواد موجودة فى مصر". وعن الجوائز التى حصلت عليها رانية، قالت "حصلت على مركز أول فى مسابقة بوكية البورسلين باسم مصر 2021 ونجمة الكيك فى مسابقة عالمية وميدالية برونزية فى مسابقة كيك انترناشونال دى كانت أصعب مسابقة واستفدت من ملاحظاتهم فى آخر بوكيه عملته". وختمت رانية حديثها قائلة "شغلى بالنسبة لى هواية وأمل وبتمنى أتعلم شغل فنى نادر من متخصصين وأشبع هوايتى ويكون ليا اسم معروف فى بلدى وأعمل أكاديمية تعليمية".


























الاكثر مشاهده

طبيب مصري يكتشف طريقة سريعة لإسراع علاج أورام الجلد في 8 أيام.. تعرف عليها

أشرف كابونجا: بصدد دخول محاولة لشد سفينة بوزن 700 طن بـ"أسناني"

إنبى يرفض شروط ويجان الإنجليزى لبيع محمود جاد

وكيل كلية دراسات بيئية سابق: مصر تتجه للطاقة الجديدة والمتجددة للتكيف مع المناخ

تصاعد العنف ضد "FBI" بعد مداهمة منزل ترامب.. التهديدات تضمنت زرع قنابل فى مقرات التحقيقات الفيدرالى وقتل مسئولين أمنيين.. دونالد يطلب الحماية من الأمريكيين: ما يحدث "اعتداء سياسى".. ويحذر من تبعات است

فى عيد ميلاده الـ45.. هذه أبرز إنجازات الغزال الفرنسي تيري هنري

;