"نوفمبر سويت ولا مش سويت" تعرف على رأى رواد تويتر

شهر أكتوبر يعتبر من أطول شهور السنة، فبمجرد انتهائه نستقبل شهر نوفمبر بجملة جديدة من نوعها وهى " sweet November"، وهذا الشعار تحول لهاشتاج يغزوا موقع التدوينات القصيرة "تويتر"، دون معرفة السبب الرئيسى وراء هذا اللقب، خاصة أن شهر نوفمبر يمثل لدى المصريين شهر الحب، نظراً لما به من عيد الحب المصرى الذى يوافق الـ4 من نوفمبر من كل عام، مما يؤكد مقولة " سويت نوفمبر"، فيما استخدم بعض رواد مواقع التواصل المقولة كنوع من التعبير عن الأمل والتفاؤل واستخدامه ككناية عن كل ما هو حلو . وقام العديد من الرواد بالتعليقات الساخرة قائلين: " هو ايه اللي سويت نوفمبر سويت نوفمبر ماتبطلوا بقا دا احنا عقارب حتى عيبة فى حقنا"، "سويت نوفمبر إيه يا جماعة إحنا مش المفروض كبرنا كدة وعقلنا وعرفنا إن كلها أيام سودة"، "هو مش دا سويت نوفمبر ولا إيه"، "ده أحلى مسا ده ولا ايه ده شكله سويت نوفمبر بجد". فيما قال آخرون "بلا سويت نوفمبر بلا زفت أنا عايزة أكل"، "سويت نوفمبر اللى مش باينله لبس دا"، "اللهم اجعله سويت نوفمبر وليس صويت في نوفمبر. آمييين"، "يعنى ياريت يحصل معجزة ويبقي سويت نوفمبر بجد"، "هو إحنا إيه في حياتنا سويت عشان نكتب سويت نوفمبر! ممكن صويت آه"، "اللي هتكتب سويت نوفمبر هتزعل يا جماعة علشان مش كل نوفمبر نعيش على الكلام ده".