أرسلت قارئة لانفراد عبر باب فضفضة ستات مشكلة جديدة، فتحكي" رحمة" أنا متجوزة بقالى 10 سنين عندى بنتين وولد عنده 10 شهور وجوزي مش بيدينى حقوقي الزوجية وبيعاملنى زى الخدامة بيرجع من الشغل يسألني جهزتى الأكل غسلتى الهدوم روقتى الشقة ويتغدى وينام ويصحى يسهر مع أصحابة علي القهوة وبعد كدا يطلع ينام علشان ينزل الشغل الصبح ولما اطللب منه حقوقى الزوجية يقولى انا راجع تعبان برغم طول الفترة بين كل لقاء والتاني فبعض الأوقات بنفضل بعيد عن بعض لأكثر من شهرين .
وتستكمل رحمة قصتها لتقول: أخاف أن أقع فى الخطأ لأننى من لحم ودم وليا احتياجات مثل أي أنثى تريد زوجها وتشتاق إليه لإشباعها وهو ما يؤثر عليا بالسلب فى حياتى ويعرضنى دائماً للضغط العصبى والتفكير المستمر ماذا أفعل من أجل أن يهتم بى حتى لا أقع فريسة لوساوس الشيطان .
وتتابع رحمة قصتها : أستمر تهميشى وإهمالي فى كل شئ حتى الخروج ما بقاش بيحب يمشى معايا فى الشارع ولا يخرج معايا حتى هدوم أولادي بيخلى أخته ومامته ينزلو يشتروها حتى اسامى عيالي هو وأهله اللى اختاروها ومش بيحب اهلى ولا بيودينى عندهم علشان اشوفهم وكل ما اطلب منه اروح لاهلى يرفض ويتحجج بالشغل وانه مش فاضى بالرغم انه كل يوم بنروح عند اهله .
وتنهى رحمة قصتها وتقول كل يوم بنتخانق ومش حابة اعيش تانى معاه وزهقت منه وكل ما اطلب الطلاق يتعامل معايا كويس يومين تلاتة وبعد كدا ترجع ريما لعادتها القديمة ويرجع زى الاول مابقتش عارفة أعمل ايه وخايفة على نفسى ألا أقع فى الخطاء ويتهد بيتى وأسرتى وأتحرم من عيالى.