لو وقع واتكسر.. إزاى هتنقذه؟ تعددت الحوادث والنتيجة واحدة فتعتبر الكسور من أبرز المشاكل التى نواجهها دائما إثر التعرض لحادث أو الوقوع من مكان مرتفع، لذلك يجب أن يكون لدينا وعى بكيفية التعامل مع الكسور وإنقاذ المصاب بطريقه صحيحة حتى لا نعرضه لمشاكل مزمنة.
علشان كد "انفراد" هيمشى معاك خطوة بخطوة وهيقولك إزاى تنقذ المصاب بالكسور بطريقة صحية، زى ما قال أخصائى الإسعافات الأولية شريف الكاشف فى حلقة جديدة من"هتعمل إيه".
هتعمل إيه للمصاب بالكسرعلشان تنقذه..
1- لازم تكون حريص جدا وأنت بتتعامل مع المصاب بالكسر خصوصا أننا مبنقدرش نحدد نوع الكسر إلا عن طريق الأشعة.
2- لكن ممكن وضع خشبة تحت المكان المكسور وخشبة فوقه.
3- اربط الخشبتين بهدوء من غير متحرك الكسر.
4- خلى بالك بلاش تنقل المصاب من مكانه علشان متسببلوش مشاكل تانية.
5- لازم تتصل بعربية الإسعاف علشان تنقل المصاب إلى المستشفى لفحصه وعلاجه .