مينا جميل يكتب: لون أسود

لون أسود ياروح بالسم مشحونة ياحد بيسرق الأزهار من العمر اللى بيعدي على سهوهة ف طعم الوش للقهوة ف نبضه تعدى ما احسبهاش ف طلقه بتجرى من آلى مابنشوفهاش ف لون أسود بيرسم كل تفاصيلك ياحد بيسحب الأفراح ويحقنها بمرار فايض خداع نابتك ورباكى ياقاطعه ايد بتبنيلك ياواخده قلوب ف سور سجنك وحابساها وقاتلاها قلوب عماله تبكيلك قلوب من كتر تنهيدها واشواك فيها مغروسه ماليها الهم .خلاص شاخت م اهى الكدبه اللى فاكراها بسلوفانه خلاص باخت سماكى تراب وفيكى خراب مفيش ولا حته جواكى تساع ابدا لنور الخير وعش لطير ولا اصحاب ولا للأهل والاحباب خلاص جوايا مقفوللك وفيا الغل متحوش ومتخزن ومتشاللك هكون حارس لمرماكى وهمنع من طريق قلبك قلوب وقلوب محدش يوم هيوصلك ولا يدمن لالاعيبك يدوق عسلك ولا خلك م قلبك فيكى مش موجود ف لازم كل حد يزور ويتمتع بكراكيبك .. ثوانى وبعدها يسيبك ف انا مفارق .. ومش فارق تكونى معايا بالمره انا كنت العاشق المجنون وكنتى ورده شدتنى ولما جيتى احضانى .. حلاوتك مره ميت مره يانحله بتمشى على كيفها وبتشوف م النبات اشكال بتتغير مع الاحوال مافيش مبدأ وبالمره وعسلك مر مليان سم وتأثيره بيطرح جوه ول بره ياريتك تبقى مدفونه ف اكفانك ف قلبك تقفلى عليكى وتبنى سور على عنيكى ولا حدش ف يوم ابدا ايديه تسلم على ايديكى ياريت صوتك يكون اخرس يكون على كل افكارك جوزين حراس .. عشان ولا حد يوصلك ولا يوصل ل تنهيده ولا يكونلك ولا يشاركك ولا لحظه ولا الانفاس ياحلم ف لحظه يبقى كابوس ده ابليس جوه افكارك يكون محبوس ..وفيكى للافعى ..تتسمم .. وتبقالك ف لحظه غموس وبيكى العاقل الراسى حكيم زمنه ..يكون مهووس