وائل عبد الودود حسين يكتب: هما كلمتين

هما كلمتين ملهـمش تالت الحياة يا صابت يا خابت يا ضحكت لك وتعيش مرتاح يا تقضيها ف أسى وجراح مش بإيدك تختارها مكتوب لك حلاوتها ونارها طول ما راضي وقلبك صافي هـتعيشها مرتاح البال مستور وسليم معافى هتحلى مش عايزة سؤال تفكر وتقسى على نفسك تكبر فيها قبل الأوان لا تعيش محير نفسك مع ربك تلاقى الأمان خليك زى نسمة صيف خليك ضيف تملى خفيف وما تعملش حدق ومفتح وتزعق في الناس وتبجح ياما ناس قبلك كانوا جبال بقوا عل الأرض حبة رمال عيش متواضع ولا تتكبر فرحان بشبابك بكرة هتكبر فرحان بعزك بكرة تسيبه شفت حلاوته وراح لنصيبه بكرة تسيب حتى عيالك كانوا في الدنيا أعز أحبابك قبل ما ترحل عن المعصية توب دا الكفن ملهش جيوب كله مكتوب في كتابك ومسير الأجل يدق على بابك قبل ما تنطق حاسب في كلامك وخلى تملى ربك قدامك لا هـتعرف تبعد ولا تهرب سور الحياة كله مكهرب يا رب ختامها مسك وعنبر وجنة الفردوس الله أكبر