ريم رضا عبد العزيز تكتب: دقيقة حداد

من غير كلام ولا بُكا من غير صُراخ ولا سواد اقفوا صفـوف وودَّعُوا روحـى بدقيقـة حداد وأنتوا واقفين فَكَّروا أنا كنت إيه وقرروا إخواتى بعدى يسكتوا ولا لطريقنا يكملوا؟! فُوقوا بقى من السُّهاد مصر عايشة وليها راية على أكتافنا بتبنى أمجاد حد عارف إيه هتافنا؟! إيه شعارنا وإيه هدفنا؟! إحنا شُعلة مرعبة زلزلت جُموع الأوغاد أنا إللى الشرف شعارى وللوطن بهدى انتصارى الله أكبر .. نبضتى لجل رضاه بنموت أعداد رايحين للجنة جماعة ومطمنين موتنا دا حافز لإخواتنا يفضلوا عايشين وعلى نفس النهج الربانى يكونوا ماشيين لا يخافوا إرهابى ولا طايش الخوف؛ مش فى قاموس المصريين أما انت يا إرهابى يا خاين لو فاكر الجنة مصيرك يبقى فُووووق من أوهامك شتَّااان بينى وبينك بابشرك من جذورك هقلعك فى كل حتَّة هتلاقينى عن العباد بامنعك.. شتااان بينى وبينك دقيقة حداد