سمير مرفوض من مستشفيات القاهرة.. ويؤكد: محتاج علاج

سمير عادل أحمد شاب يبلغ من العمر 30 عاما من مساكن الحرفيين الدويقة بلوك 61 مدخل ب خلق موقف الأوتوبيس، والداه متوفيان ومنفصل عن زوجته، تعرض لحادث فى مدينة العاشر من رمضان، صدمته سيارة وفرت هاربة، وتم نقله إلى المستشفى الجامعى بالزقازيق. يقول سمير: "أعمل ميكانيكى وكنت ذاهب إلى مدينة العاشر من رمضان علشان أعمل شغل هناك، وأنا معدى الطريق خبطتنى عربية وهربت، غبت عن الوعى ولما فوقت لقيت نفسي فى مستشفى الجامعة بالزقازيق، أهل الخير طلبولى الإسعاف وهى نقلتنى على هناك، أصيبت بكسر فى الذراع والحمد لله تعافت و3 كسور فى القدم تم تركيب جهاز "ليزاروف" عبارة عن قفص حديدى فى القدم بعد العملية، وبعدين خرجت من المستشفى ورجعت على البيت أنا دلوقتى عايش على المسكنات". وأضاف سمير: أنا رحت لأكثر من مستشفى مفيش ولا واحدة راضية تقبلنى وكله بيقولى روح المستشفى اللى عملت فيها العملية، وأنا مش معايا فلوس أروح الزقازيق لأنى مش بقدر أركب مواصلات عادية محتاج عربية إسعاف تنقلنى والعربية بتحتاج 500 جنيه. وتابع سمير: من يوم الحادث وأنا مش بشتغل وأنا أرزقى يعنى رزق يوم بيومه وأهل الخير بيشتولى العلاج.. العملية تقريبًا باظت ورجلى وارمة وعلى طول بتنزل صديد كل اللى بطلبه إن مستشفى قريبة تقبل تعالجنى. للتواصل مع الحالة : 01157129658 - 01276524763