بيتر بدوى يكتب: أحلام زيادة

كان بيحلم يبنى بيت جوا قلب المستحيل كانت كتافه مستعدة تشيل... لو زمانه قاله شيل كان بيحلم يبنى دنيا يجدل الأحلام جدايل كان مصدق يوم ماتقسى هتبتسم .... مهما كان الحظ مايل كان بيحلم يبقى فارس كان مصدق ... قلبه حاسس ... كان بيفرط عقد عمره تحت رجلين الأحبة كان بيضحك كل مرة لما يلقى الحب كدبة كان كلامه كله بكرة يرسم الألوان بفكره كان بيطرح... وردة جوا كل مطرح يمسك الأشواق بإيده تجرح الأشواك وريده مهما يجرى العمر منه كان يسابقه .. وكأنه . . . . بيشب فوق سور الزمن مستعجل الأيام كمن عارف نهايته قريبة بيعيش ف حالة م الشجن طاوى جناحات الرفرفة حابس شعاعه اللى انطفى عارف نهايته قريبة بس كان حلمه جميل كان بيحلم يبنى بيت جوا قلب المستحيل كانت كتافه مستعدة تشيل .... لو زمانه قاله شيل كان يشوف الضلمة لون والدوشة يسمعها "قانون" كان بينسى أنه عايش وعاشق الدنيا بجنون بس كانت .... نقطة الضعف . . فراقه ويوم ما فارق . . . كان مماته مات بيحلم . . . بالسعادة وف شهادة الوفاة سبب الوفاة "أحلام زيادة"