ثابت مصطفى يكتب: يا كدبة فى مجتمع شاعت

تعبنا يا خلق م الحورات مفيش فى الدنيا مين سالك دا يحور ودا يأفلم وده يحلف ياكل باطل وناس فى الحق بتماطل وناس ف القرش طماعة عيشته وقرشه كله حرام حرام فى حرام للركب غاطس يا شعب يا أنت يا مواطن كان فى زمان كان فى فضيلة ومبادئ فين رحنا وفين راحت يا كدبة فى مجتمع شاعت رسمتوا المرجلة صياعة فاكرها يعنى دى شطارة اقولها بجد يا خسارة خلاص الجهل واستوطن يا توب يا فضيلة متقطع لبستوا الهدمة مندارة يا خسارة مفيش فايدة قول ع الدنيا يلاسلام يا حسرة يا خلق ع الأخلاق كل ما فيها فى النازل حتى لغتنا بتتغير جيل أطفال وصغير يسمعوا قبح وقذارة أفلام هابطة وبرامج يا حمامة حيا وطارت بعيد ولحد ما ادارت وانشافت عيون بجحة لا تعرف خشى ولا عيب عادى وكلها بجاحة زى الرقص ادى مثال هز الوسط ده رسالة دى سفالة نسينا مجتمع شرقى نعبى الزينة ونقى جد الجد وصانا حلقة وحطها فى ودنك لو ننسى فى يوم نغلط قرصة يده مسكانا أبسط كلمة تألمنا لااا ده عيب بنظرة عين نخبى كسوفنا ندارى قول الحق ما تخافشى ما تكدبشى لحيط الجبن ما تملشى كان ع الدنيا رجالة وانتى يابت فين رايحة خوشى لفى واتلفى خوشى و البسى طارحة حاضر طيب حاضر ياابا اما يا حسرة دلوقتى نسينا مجمتع شرقى نميل للغرب للموضة لبس البنت حرية كارينا وجينز والبديهات أشترى هات م الضيق يا اهل الحشمة فين هى اقولها بجد يا خسارة نشوف اللبس فى البتارين لبس الاجه ع الموضة جاى من بره شغل باغيس ليجن سواريه بدى وع الكتف حمالة وعمالة تحط الكحل تتزوق أيلينر وأيشادو بتفرح لما تتعاكس انا مش كنت غلطانة لا ياست غلطانة حاولى واسترى نفسك سيرتك تبقى ليه لبانة كمان وربنا بلانا شباب ضايع عيال ضايعة راضعة فى الخلا زبالة فاكراها يعنى دى شطارة يا خسارة مفيش فايدة قول ع الدنيا يلا سلام حسرة يا خلق ع الاخلاق كل ما فيها فى النازل يا شعب يا انت يا مواطن كان فى زمان كان فى فضيلة ومبادئ