عبد الفتاح حسنى عبد الفتاح يكتب : ما ترجعيش

تسمعينى ما تسمعيش قلبى قالها ماتنفعيش قلبى عمره ما كان بيكدب كل كلمة قالها عنك أه صحيح - ما تنكريش إنتى كنتى لما كنتي ساكنة قلبى وواخدة حبي خنتى ليه بعتى ليه والمصيبة إن النهاردة جاية تانى تقولى خدني جنب ضلك عايزة أعيش أيوة جنبك عايزة أكون ، وعايزة أعيش ناسية إنك سايبة فى قلبى جرح ما يتنسيش ما يتمحيش والعجيبة راجعة تاني بشكل تاني ووش تاني زى أفعى بجلد ناعم شايلة سمومها ع الشفايف وأنا لسة شايف دم قلبى اللى إنقتل بإيديكى مرة من زمان لسة فاكره ، مابنسهوووش ، ولا ينسانيش كنت باكتب فوق شفايفك أه رسايل كلمة كلمة زى دمع العين ع الخد سايل والقلب مايل ما أقدرشى أقول ما بحبكيش أيوه بحبك والنبى والله أأأه إنتى اللى قلبك ياما ياما جريت وراه إنتى اللى حبك إنكتب لى أعيش معاه فى كل فرح وكل جرح أقوله أأأأه ، أه أه ما بنساكيش بس النهاردة أنا جاى أقولها بأعلى صوتى ما ترجعيش مش عايز أشوفك أيوه أيوه ما ترجعيش ما تفكريش كنت فاكر إنى وإنتى جسم واحد حس واحد قلب واحد عمر واحد فى الحياة ما بينتهيش ولما فقت على الحقيقة لاقيتنى واهم قلبى لسة ماكانشى فاهم الغرور اللى فى جمالك والبرود اللى فى سلامك وإن فى الكون أبد مافيش مثالك عايز أقولك - إسمعي سمعتى أو ما سمعتنيش ما يهمنيش إحنا لازم نفترق والذكرى لازم تتسرق والرسايل - الرسايل لابد لازم تتحرق تنتهى علشان نعيش وإن شفتى مرة فى يوم خيالى ماتبصليش إعملى نفسك كأنك ما تعرفيش صدقينى - إنتى النهاردة عندى ما تساويش ما تنفعيش وأكيد حاتلقى حد غيرى فى يوم يحبك يديكى قلبه - وتقتليه ماتعيطيش وبصراحة - نفسى أقولك - كلمة واحدة سيبينى أبعد عنك نفسى أعيش عايز أعيش