نجلاء نعيم تكتب: ضفاف الفرح

وزى اللى ف يوم خافت على المولود ولما آتاها وحى الله بإنه اليها يوم هيعود رمت خوفها ف صندوقه معاه ف اليم وانا اللى اصابني من اشواقى ليك..الهم رميت حبى أنا ف يمك وخوفت عليك كما أمك فمتظنش ف حبى السوء انا اللى ربطت أيامي بحبل الود ف الصندوق وسيبتك فوق ضفاف الفرح وانا قلبى الحزين مخنوق ولما وصلت بر أمان وكان ع الشط ألف هامان و١٠٠ فرعون بيندهلك بتسقيهم حنان روحك وتسقينى انا سمّك وتحسبنى أن انا نسياك ده انا النسمة اللى بتحرك ستارة الحزن ف الشباك وانا اللى كل يوم العصر سبع مرات اطوف القصر واضم الباقى منا هناك لكن شيفاك بتنسى حبنا وخيري ولا اتحرم عليك غيري وبتأكلنى من جوعهم وتشبع من مراضعهم وعايش ف الهوى حلمك كأن ما كنت يوم مني كأنى ما كنت يوم منك