نجلاء نعيم تكتب: حبال ودى

صحيح قلبى ف هواك مسكين لكن رافض يكون سكين ف أيد النسوة من حولك ولا قابل يسيب الجب من قبلك ف ليه تقطع حبال ودى وأنا اللى مادة ليك يدى وبتمنى أكون دلوك وبتمنى أكون الرؤيا والتفسير وأكون الرد لو تسأل مين فينا اللى كان يوسف ومين اللى اترمى ف البير وأقولك أن أنا أنت أنا الكلمة اللى بتقولها ولو حتى الحروف ساكتة أنا العمر اللى طارح ليك سنابل خير وأنا المصلوبة من بعدك وواكل من حنينى الطير أنا اللى بس ليك وحدك ولا عمرى هكون للغير فمتسبنيش بلاش تنسانى جوة الحزن أو متجيش ولو حتى الأمانى عجاف ولو لسة محبتنيش بلاش ترمى على قميصى بحبٍّ كذب بلاش ترمينى من تانى ف قلب الجب بلاش من دمعى الون عينى واتكحل ولو حبيت ف يوم تبعد سلام الله عليك وارحل أنا عمرى ما هنساك يوم ولو شيفاك بعينى الديب هتفضل جوة قلبى حبيب لأن الديب ف قصتنا برئ مظلوم