من دواعى تطبيق المودة والرحمة اللى ربنا قال عليهما فى القرآن "الأم" أنك تحس بيها وتقدر الضغط اللى بتبقى فيه وهية واقفة فى المطبخ قبل وبعد الفطار وفى العزومات خصوصا لو كانت بتشتغل ، مبقولكش أقسم شغل البيت معاها ، بقولك ساعدها أى مساعدة بسيطة ، ولو مش هينفع يبقى أضعف الإيمان إنك تساعدها بكلمتين حلوين يدوها طاقة إيجابية ويحسسوها أنك مقدر تعبها ، هية كمان بنى آدمة زيك من حقها تلاقى وقت يبقى بتاعها، من حقها تخرج من دايرة الطبخ والكنس والمسح وغسيل المواعين وكوى الهدوم والمرمطة فى السوق والسوبر ماركت حتى لو ساعتين بس وترجع تانى تدور فى الساقية مفيش مشاكل.. والراحمون يرحمهم الله.