حبة صور هما اللي
فاضلين ع الحيطان
بيدمعوا
حبة صور رافضين
يعدي الزمان امتى بقى
حترجعوا
الليل طويل مفيش نهار
وروحنا عرفت الانكساااار
أرجوكم منى اسمعواا
وطن بغربه اتبدلت
كل الحدود
إحساس بيُتم وانتوا
لسه ف الوجود
متغربين عن الديار
بتجمعوا فلوس و ناااار
ارجعوا محتاجين لكم
وكفاية بقى سفر وعذاب
قلوبنا تعبت م الغياب
و لا مال قارون حيعوضنا
الأمان والحنااااان
وحشتنا ضمت حضنكوا
ارجعوا قبل الأوان
قبل ما نضيع م الآلام
صدقونا مفيش كلام
يقدر عنا يعبر لكم ..