نشأت رشدى منصور يكتب: إجازة مفتوحة

لو بنحب بعض بالتأكيد ها نجنى سعد أصل اللى أنا شايفة محدش عنده محبة ولو بحجم الحبة وإن لقيت واحد طيب يقولوا عليه أصله عبيط وأهبل مكانه السرايا واللبس الأصفر إيه اللى جرا للدنيا مش قادر أعرف وإن عرفت قولولى ها أعمل إيه؟ وإن اترحمت على أيام زمان هل فى إمكانى أرجعها من تانى؟ بنغير كانى ولا مانى لمجرد ثوانى أحوال الناس فى كل مكان من إسكندرية لحد أسوان صبحت غريبة من أتفه الأشياء تلاقى المعارك عيلة قامت ع التانية قالوا من بعدها دا رد على تار علشان رد الاعتبار وف كل مرة أرواح بشر بتضيع بين الرجلين بينهم أطفال ورضع وشيوخ ومرضى أصل الضمير خد إجازة مفتوحة لو حد عنده حل رحمة بالناس والبشر من فضلكم دلونى عليه