بعد مظاهرات سائقى التاكسى الأبيض اعتراضا على قيام شركتى "أوبر و كريم" بالعمل فى الشارع، دشن رواد موقع التواصل الاجتماعى فيس بوك حملة، للتمكن المواطن من أخذ حقهم من بعض الأفعال التى يقوم بها سائقو التاكسى الأبيض.
وجاء فى المنشور عدد من التعليمات للمواطنين منها " أطلب من سواق التاكسى يوديك المكان اللى أنت عايزه، ولو رفض خد نمرته وعلى أقرب كمين أو لجنة أو عسكرى فى إشارة واعمله مخالفة امتناع".
وأضاف المنشور: "قبل ماتركب مع سواق تاكسى أبيض اسأله "العداد شغال؟" لو قالك لا، خد نمرته واعمله مخالفه تسيير سيارة أجرة بدون عداد، و لو ركبت مع سواق تاكسى بيتكلم فى الموبايل بصوت عال وهو ماسك السيجارة وبيقول ألفاظ مش لطيفة اعمله مخالفة إساءة لمستخدم سيارة أجرة أو تعريض أرواح مواطنين للخطر".
وأضاف المنشور: "وبعد ذلك، لو ركبت معاه وقالك ماعيش فكه اطلب منه يوقف العداد أو اعرف أنت عدادك عمل كام ودور له على فكه وحاسبه بالربع جنيه، ولو ركبت مع تاكسى رفض يدخلك فى شارع بحجه إنه مكسر أو زحمة، قله اطلع بينا على القسم هيبدأ يشتم خد نمرته واعمله مخالفة محاولة اعتداء على مواطن وامتناع عن توصيل المستأجر للوجهة المطلوبة".
وأشار المنشور "لو أنت فى مول أو المطار أو فندق أو أى مكان من اللى بتلاقى فيه التاكسيات بتقاول على المشوار خد أرقامهم واعملهم مخالفات تغيير التعريفه المقرره، وفى النهاية لو ركبت مع سواق اطلب منه رقمه ونمرة عربيته، ولو سألك ليه قوله علشان لو احتجتلك تانى بس خد نمرته علشان لو نسيت حاجه فى التاكسى تقدر توصله، وياسلام لو ماردش عليك، مخالفه ومحضر سرقه مش فقد وضياع".
