قارئة تشارك بموهبتها فى الرسم.. وتؤكد: علمنى الصبر وبحلم بمعرضى الخاص

شاركت القارئة أمينة محمد صلاح، البالغة من العمر 20 سنة، من أهالى شبرا الخيمة القليوبية الطالبة بكلية تربية عام عين شمس قسم العلوم البيولوجية والجيولوجية بموهبتها فى الرسم. وقالت القارئة فى رسالتها لصحافة المواطن: "بحب الرسم جدا وبدايتى معاه كانت من زمان أوى من أيام ما كنت فى ابتدائى، كنت بحب حصص الرسم وكنت بشارك فى تزيين الفصول والرسم فيها، ومن هنا بدأت حكايتى مع الرسم، اللى كان بيشجعنى نفسى أولا ثم أسرتى". وأضافت: "فى البداية كان رسمى زى أى حد وكان أى حد يعرف يرسم زيه لكن الجملة الرئيسية اللى شجعتنى وخليتنى أمارس الرسم وبشدة...(انتى مش هتعرفى توصلى رسمك إنه يكون أفضل وتحسنيه زيك زى أى واحدة عادية")، أصبحت بداية من الجملة دي ..إنى أمارس الرسم وأطور من نفسى بدون أى كورسات نهائيا، لحد ما بقى مستوايا فى الرسم حلو، وكمان بيتحسن كتير مع الوقت والممارسة المستمرة.. أهم حاجة علمهالى الرسم هى الصبر، أما حلمى الحقيقى هو إنى افتح معرض خاص بى لرسوماتى". شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد" برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.