قارئ يستغيث لعلاج صديقه من ورم سرطانى بالفك السفلى

أرسل أحد القراء رسالة استغاثة عبر انفراد، لإنقاذ صديقه رضا رزق الشهير بـ"رضا الونش"، من قرية ميت مزاح فى المنصورة، والبالغ 35 عاما، لعلاجه من تفشى ورم سرطانى بفكه، والذى تسبب فى تدهور حالته الصحية بشكل كبير بعد قيامه بعمل عملية جراحية خاطئة له فى الفك. وقال محمد سمير صديق رضا، لـ"انفراد": "فى شهر يناير راح يخلع ضرسه فى مستشفى للأسنان اكتشفوا أن فيه ورم سرطانى صغير تحت الضرس فحولوه على الأورام.. اللى استقبله فيها أحد الأطباء وبدوره قاله إن الورم ممكن يتعالج بالكيماوى بس الأفضل الجراحة". وأضاف: "بعد العملية اكتشفوا أن الترقيع من الفخد مش جايب نتيجة والجرح اللى فى رقبته بيكبر فأخد من رقبته وعمله ترقيع تانى بردو الجرح مش بيلم". واستطرد صديق رضا قائلا: "وبالفعل روح البيت وبعد أسبوع بالظبط بدأ الورم يكبر ويتفحل وكل ما يروح يقولوله مفيش حاجه شويه التهابات وهتخلص، بعد أسبوع بدأ يتخنق من الورم اللى كبر ودخل علي زوره وميعرفش يتنفس فراح لدكتور خارجى عيادته وهو شغال فى نفس مركز الاورام اللى قاله إن ده ورم سرطانى كبر وتفحل لأن فى المستشفى محدش قالك على الكيماوى أو الإشعاعى بعد العملية". شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد " برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.